Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

زیانه‌ ترسناکه‌کانی پڕۆتینی له‌شجوانی


پەیام 

پسپۆڕێکی زانستی خۆراک لە هەژماری تایبەتی خۆی لە تۆڕی کۆمەڵایەتی فەیسبووک کۆمەڵێک زانیاری لەسەر مادە تەواوکەرە خۆراکییەکان(پڕۆتینی له‌شجوانی) بڵاوکردووەتەوە و هۆشیاری لە بەکارهێنانیان دەدات. 

دکتۆر کامه‌ران رسوڵ ژاژڵه‌یی، پسپۆڕی زانستی خۆراک و نه‌شته‌رگه‌ری گشتی نوسیویەتی:"بۆ به‌ ده‌ست هێنانی ماسولکه‌ی به‌هێز و جه‌سته‌یه‌کی سه‌رنج ڕاکێش ژماره‌یه‌کی به‌رچاو له‌ هاوڵاتیان په‌نا بۆ به‌کارهێنانی پاوده‌ری پڕۆتین ده‌بن که‌ له‌ جێم و هۆڵه‌کانی له‌شجوانی یان تۆڕه‌کۆمه‌ڵایه‌تیه‌کان و ئه‌نته‌رنێته‌وه‌ ڕیکلامی بۆ ده‌کرێت بێ زانینی زانیاری ته‌واو ده‌رباره‌ی زیانه‌کانی ئه‌و پاوده‌رو گیراوانه‌. 

به‌ پێی تازه‌ترین راپۆرتی دۆیچەڤیڵەی ئەڵمانی، بەشێک لەو پرۆتینە دەستکردانە لە بە تێپەڕینی کات و دوای ماوه‌یه‌ک له‌ به‌کارهێنانچه‌ندین کاریگەرییە نەرێنی لەسەر جەستە درووست دەکەن. 

توێژینەوە و پشکنینەکان دەریان خستووە بەشێک لە پاوده‌ری پرۆتینییەکان ( نه‌وه‌ک هه‌موو جۆره‌کانی ) هۆرمۆنی گەشەی مانگایان تێدایە وەک(recombinant bovine growth hormone) و (recombinant Bovine somatotropin) کە زیانی زۆر لە جەستە دەدەن، ئەو دوو هۆرمۆنە مانگاییە زیانی مەترسیدار لە کۆئەندامی زاووزێ، هەرس و خوێن دەدەن و لە هەندێک وڵات تەنانەت رێگە نادرێت لە مانگاش بدرێن. 

هاوکات رایشیگەیاندووە: ئه‌م پڕۆتینه‌ دروستکراوانه‌ کۆمه‌ڵێک زیانی تری هه‌یه‌ ئه‌گه‌ر بۆ ماوه‌یه‌کی دوور و درێژ یان بڕێکێ زۆری لێ به‌کار بێت له‌وانه‌:

سستی و وه‌ستانی گورچیله‌.
سستی جگه‌ر و تێک چوونی ئه‌نزیمه‌کانی جگه‌ر.
به‌ردی گورچیله‌ و میزڵدان.
ژه‌هراو بوون به‌ کانزا قورسه‌کان وه‌ک گۆگرد و کادمیۆم و زه‌رنیخ.
نه‌رم بوونه‌وه‌ی ئێسک و که‌می ڤیتامینه‌کان.
سه‌رئێشه‌ و گێژی و هیلاکی و گرژبوونی ماسولکه‌کان.

لەبەر ئەم هۆکارانەیە پسپۆڕان ڕێنمیایی ده‌ده‌ن که‌ پێش به‌کارهێنانی ئه‌و پاوده‌رانه‌ پێویسته‌ دڵنیا بن که‌ فه‌حسی کولاتی کۆنتڕۆڵ کراوه‌ و نابێت بۆ ماوه‌یه‌کی دوور ودرێژ به‌کار بێت و باشتره‌ له‌ ژێر ڕێنمیایی پزیشکی پسپۆڕ به‌کار بێت. 

588 جار خوێندراوەتەوە
03/11/2018

بابەتی زیاتر