Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

دوو ژنه‌ موسڵمان له‌ هه‌ڵبژاردنی كۆنگرێسی ئه‌مریكا سه‌ركه‌وتوو بوون


په‌یام

به‌پێی‌ نوێترین راگه‌یه‌نراوی‌ ئه‌نجامی‌ هه‌ڵبژاردنی‌ ئه‌نجومه‌نی‌ نوێنه‌رانی‌ ئه‌مریكا؛ دوو ژنه‌ موسڵمان له‌ پارتی‌ دیموكراته‌كان سه‌ركه‌وتنیان بۆ ئه‌نجومه‌نه‌كه‌ به‌ده‌ستهێناوه‌و به‌سه‌ر ركابه‌ره‌ كۆمارییه‌كانیاندا سه‌ركه‌وتوون.


ڕەشیدە تڵەیبی بە ڕەچەڵەک فەڵەستینی سەرکەوتنی لە هەڵبژاردنەکانی نیوەی خولی سەرۆکایەتی بەدەستهێنا و ژنێکی دیکەی موسڵمانی بە ڕەچەڵەک سۆماڵی توانی سەرکەوتنێکی گەورە بەسەر ڕکابەرە کۆماریـیەکەی لە ناوچەیەکی ویلایەتی مینیسۆتا تۆماربکات و بەوەش دوو ژنه‌ موسڵمان ده‌چنه‌ ئه‌نجومه‌نی‌ نوێنه‌رانی‌ ئه‌مریكاوه‌.

بەپـێی ئاژانسی دەنگ‌وباسی ئەسۆشیەتد پـرێس ڕەشیدە 91.2% ی دەنگەکانی بردووەتەوە لە بەرامبەر سام جۆنسن لە پارتی ۆرکینگ کڵاس کە 5.9% ی دەنگەکانی بەدەستهێنا و ئێتا وڵکۆکسن لە پارتی سەوز کە تەنیا 2.9% ی دەنگدەران دەنگیان پـێداوە.

ڕەشیدەی تەمەن 42 ساڵ، لە دایکبووی شاری دیترۆیتی ویلایەتی میشیگنە و بە ڕەچەڵەک خەڵکی کەناری ڕۆژئاوای فەڵەستینیە. ساڵی 2009 بوو بە یەکەم ژنی موسڵمان لە ناو ئەنجومەنی نوێنەرانی ویلایەتی میشیگن.

ژنێکی دیکەی موسڵمانی بە ڕەچەڵەک سۆماڵی توانی سەرکەوتنێکی گەورە بەسەر ڕکابەرە کۆماریـیەکەی لە ناوچەیەکی ویلایەتی مینیسۆتا تۆماربکات و بەوەش دەبێتە دووەم ژنی موسڵمان بە کۆنگرێسی ئەمەریکا بگات.

ئیلهان عومەر، تەمەن 37 ساڵ کە کاندیدی دیموکراتەکان بوو بۆ ئەنجومەنی نوێنەران لە بازنەی 5 ی ویلایەتی مینیسۆتا توانی بە دەنگی 78.8% ی دەنگدەران سەرکەوێت بەسەر جێنێفەر زلنسکی کاندیدی کۆماریـیەکان کە تەنیا 21.6% ی دەنگەکانی بەدەستهێنابوو.

125 جار خوێندراوەتەوە
07/11/2018

بابەتی زیاتر