Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

ئەمریکا.. ده‌مه‌قاڵێ له‌نێوان په‌یامنێرێك و سه‌رۆكی ئه‌مریكا دروستده‌بێت

په‌یام

په‌یامنێری سی ئێن ئێن، جیم ئاكۆستا له‌ هه‌ژماری خۆی له‌ تۆڕی كۆمه‌ڵایه‌تی تویته‌ر روونكردنه‌وه‌یه‌كی بڵاوكرده‌وه‌ و رایگه‌یاند كه‌ رێگه‌یان نه‌داوه‌ بچێته‌ كۆشكی سپییه‌وه‌.


ئه‌وه‌ی بووه‌ته‌ جێگه‌ی سه‌رنج، ده‌ركردنی ئه‌و بڕیاره‌ی كۆشكی سپی له‌ كاتێكدایه‌ كه‌ دوێنێ له‌ میانی كۆنگره‌ی رۆژنامه‌وانییدا له‌ كۆشكی سپی گرژی له‌ نێوان جیم ئاكۆستا و دۆناڵد تره‌مپ دروست بوو.

جیم ئاكۆستا رایگه‌یاند "كه‌مێک پێش ئێستا رێگه‌ نه‌درا بچمه‌ كۆشكی سپییه‌وه‌. سه‌رچاوه‌یه‌كی نهێنی ئاگاداری كردم له‌باره‌ی ئه‌وه‌ی كه‌ ناتوانم بچمه‌ كۆشكی سپییه‌وه‌ بۆ به‌رنامه‌ تایبه‌ته‌كه‌م كه‌ كاتژمێر 20:00 به‌رێوه‌ده‌چێت".

سارا ساندەرز ئاماژه‌ی به‌وه‌ كرد كه‌ جیم ئاكۆستا له‌ میانی دروستبوونی گرژی له‌گه‌ڵ دۆناڵد تره‌مپ-دا ده‌ستی له‌ كارمه‌ندێكی كۆشكی سپییه‌وه‌ داوه‌ كه‌ هه‌وڵیداوه‌ مایكرۆفۆنه‌كه‌ی لێوه‌رگرێت و گوتی: "سه‌رۆك تره‌مپ به‌ خۆشحاڵییه‌وه‌ پێشوازی له‌و پرسیاره‌ توندانه‌ ده‌كات كه‌ ئاراسته‌ی ده‌كرێن، به‌ڵام ئێمه‌ رێگه‌ناده‌ین ده‌ست له‌ خانمێكی گه‌نج بدرێت كه‌ له‌ كۆشكی سپی ته‌نها كاره‌كه‌ی ده‌كات".

دوای ئه‌وه‌ی له‌ كۆنگره‌ رۆژنامه‌وانییه‌كه‌دا گرژی له‌ نێوان تره‌مپ و ئاكۆستا روویدا، ترمپ به‌ ئاكۆستای گوت "سی ئێن ئێن ده‌بێت شه‌رم بكات كه‌ كار به‌ تۆ ده‌كات. كه‌سێكی توند و خراپیت. نابێت كار بۆ سی ئێن ئێن بكه‌یت". 


122 جار خوێندراوەتەوە
08/11/2018

بابەتی زیاتر