Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

عێراق داوایەک لەبارەی هاوردەکردنی ‌غازی ئێران ئاراستەی ئەمریکا دەکات


پەیام 

دوو به‌رپرسی حكوومه‌تی عێراق، به‌ ئاژانسی هه‌واڵی ڕۆیته‌رزیان ڕاگه‌یاندووه‌: عێراق له‌گه‌ڵ ئێران رێككه‌وتووه‌ بۆ ئه‌وه‌ی به‌رهه‌م و كه‌لوپه‌له‌ خۆراكییه‌كان به‌رامبه‌ر به‌ غاز و وزه‌ بگۆڕێته‌وه‌.

ئه‌و دوو به‌رپرسه‌ باڵایه‌ كه‌ ئه‌ندامی لیژنه‌ی وه‌زاری تایبه‌ت به‌ وزه‌ن، به‌ ئاژانسی هه‌واڵی ڕۆیته‌رزیان ڕاگه‌یاندووه‌: حكومه‌تی عێراق ئێستا له‌ هه‌وڵی وه‌رگرتنی ڕه‌زامه‌ندی ئه‌مریكادایه‌ سه‌باره‌ت به‌ هاورده‌كردنی غازی ئێرانی كه‌ عێراق بۆ وێستگه‌كانی كاره‌با به‌كاریده‌هێنێت.

هه‌رچه‌نده‌ ئه‌مریكا 45 ڕۆژی وه‌ك مۆڵه‌ت به‌ عێراق به‌خشیوه‌ تا  جێگره‌وه‌ی ئێران بدۆزێته‌وه‌و كۆتایی به‌هاورده‌كردنی غازی ئێران بهێنێت, به‌ڵام یه‌كێك له‌و به‌رپرسه‌ عێراقییه‌ ئه‌و مۆڵه‌ته‌ی به‌ كاتێكی كه‌م داناوه‌و وتویه‌تی: ڕاگرتنی هاورده‌ی غازی ئێرانی قه‌یرانێكی ڕاسته‌قینه‌ی كاره‌با دروستده‌كات، هه‌روه‌ها ئه‌مریكاش ئاگاداره‌ كه‌ عێراق چه‌نده‌ پێویستی به‌ غازی ئێرانی هه‌یه‌.

به‌رپرسه‌ عیراقییه‌كه‌ به‌ ڕۆیته‌رزی راگه‌یاندووه‌: عیراق به‌ فه‌ڕمی داوا له‌ ئه‌مریكا ده‌كات كه‌ واده‌ی به‌خشینی هاورده‌كردنی غازی ئێرانی بۆ عێراق درێژبكاته‌وه‌.
ڕۆیته‌رز له‌سه‌رزاری ئه‌و به‌رپرسه‌ عێراقییه‌ ئاشكرایكردووه‌: عێراق پێشنیاریكردووه‌ له‌به‌رامبه‌ر غازه‌كه‌یدا، خۆراك و هاوكاری مرۆیی به‌ ئێران ببه‌خشێت و ئێرانیش ئه‌و پێشنیاره‌ی قبوڵكردووه‌.

ئه‌و ڕێككه‌وتنه‌ دوای سه‌پاندنی به‌شی دووه‌می سزاكانه‌ له‌ لایه‌ن ئه‌مه‌ریكاوه‌، كه‌ له‌ پێنجی‌ تشرینی دووه‌م له‌سه‌ر ئێران جێبه‌جێكراوه‌، كه‌ كه‌رته‌كانی وزه‌ی ئێرانیشی گرتووه‌ته‌وه‌، به‌تایبه‌تیش هه‌نارده‌كردنی نه‌وت.

151 جار خوێندراوەتەوە
14/11/2018

بابەتی زیاتر