Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

باشوری سودان.. كچێك بە 500 مانگا فرۆشرایە پیاوێك كە نۆ ژنی هەیە


پەیام

خێزانێك لە باشوری سۆدان لە مەزادێکدا كچه‌كه‌یان كه‌ ته‌مه‌نی ته‌نها 17 ساڵ بوو به‌ 500 مانگاو سێ ئۆتۆمبیل فرۆشته‌ پیاوێكی بازرگان كه‌ نۆ ژنی هه‌یه‌.


سایتی روسیا تودەیی لە ڕۆژنامەی زە سەنی بەریتانییەوە گواستویەتییەوە، كچە مێردمناڵەكە زۆرترین (مارەیی) پێدراوە، كە تێێدا شەش پیاو لە مەزادەکە بەشداربوون لە نێویاندا کەسانی پلە بەرزی وڵاتی تێدابووە بۆئەوەی هاوسەرگیریی لەگەڵ ئەو کچە مێردمنداڵەدا بکات.

لەکۆتایدا كچەكە لەگەڵ پیاوێكی بازرگان هاوسەرگیری دەكات كە لە كێبركێكەدا لە پێنج پیاوەكەی تر دەباتەوەو بڕی 500 مانگاو سێ ئۆتۆمبیل‌و 9هەزارو 600 دۆلاری ئەمریكی دەداتە خێزانی كچەكە.



لە مەزادەكەدا (دیڤید مایوم ریاك) جێگری سەرۆكی ویلایەتێكی باشوری سۆدان بەشدار بووەو تێیدا 250 مانگا وەك پێشەكی مارەیی بە خێزانی كچەكە دراوە.

دیڤید مایوم  لەبارەی مەزادەكەو كچەكەوە دەڵێت "من ئەو خانەوادەیە بەباشی دەناسم چونكە پێشتر دراوسێمان بوون، بەڵێنم بە ئەو خێزانە دابوو کە هاوسەرگیری لەگەڵ کچەكەیان بكەم ئەو كاتەی كە مناڵ بوو".

لە كۆتاییدا ناوی براوەی مەزادەكە بڵاوكرایەوە كە پیاوێكی بازرگانە بەناوی كوك ئالات، ئەو پیاوە خاوەنی نۆ ژنی دیكەیەو وێنەی رۆژی هاوسەرگیرییەكەی لەگەڵ كچە فرۆشراوەكە بڵاوكرایەوە، بەڵام  بەخێرایی تەواو وێنەو زانیارییەكان لەسەر بەرێوەچوونی مەزادەكە لە ئینتەرنێتدا سرایەوە.



چالاكوانێكی بواری مافەكانی مرۆڤ  لەبارەی مەزادی ئەو كچە مێردمناڵەوە دەڵێت، لێرە لە بازارەكاندا بازرگانی بە مرۆڤەوە دەكرێت بەبەكارهێنانی تۆرەكۆمەڵایەتییەكان, بەجۆرێك كچێك دەفرۆشن لە رێگای تۆرەكۆمەڵایەتییەكانەوە, ئەمەش بەراستی كارێكی قێزەونە, چونكە ئەو هێشتا مناڵە، بەڵام وەك كاڵایەكی بازرگانی مامەڵەو كرێن‌و فرۆشتنی پێوەدەكرێت.


لە عەرەبییەوە، ئەركان دارا
سەرچاوە، روسیا تودەی

1065 جار خوێندراوەتەوە
19/11/2018

بابەتی زیاتر