Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

گرنگترین رێنماییەكانی سەلامەتیی لەكاتی دروستبوونی (تەم) دا


بەشی راگەیاندن/ بەڕێوەبەرایەتی گشتی كەشانسی و بوومەلەرزەزانی هەرێمی كوردستان


یەكێ لەو دیاردانەی كە زۆرجار دەبنە هۆكاری نانەوەی روودوای دڵتەزێن، بە تایبەتی لەسەر رێگاو شەقامەكان و لە كاتی هاتوچۆدا، دیاردەی (تەم) ە، جا لە پێناو پاراستنی گیان و ماڵمان لە كاتی دروستبوونیدا، با بە پێی توانا هەموو ئەم رێنماییانەی خوارەوە جێبەجێ بكەین: 


1.لایتی نزم بەكاربهێنەو بە هیچ شێوەیەك لایتی بەرز (فوول) دامەگیرسێنە، چونكە رووناكییە بەهێزەكە دەبێتە هۆی شكانەوەی زیاتری رووناكی بەهۆی دڵۆپە هەڵواسراوە هەرە وردەكانی هەڵمی ئاو (واتە تەم) و دووبارە گەڕانەوەی بۆ چاوی شوفێر، بەمەش ئاستی بینینی ئاسۆیی زۆر كەمتر دەكاتەوە. 
2.هەرگیز نەهێڵی جامی پێشەوەی ئۆتۆمبێلەكەت پیس بێت و بەردەوام پاكی بكەرەوە.


3.(تەم) وەكو (سەراب) ی بیابانە، ئەو هەستەت پێ دەدات كەوا خێرایی لێخوڕینت كەمە، بۆیە پێش ئەوەی بچیتە نێو تەمەوە خێراییت زۆر كەم بكەوەو بەردەوام هەوڵبدە مەودایەكی زیاتر لە ئاستی ئاسایی لەنێوان خۆت و ئۆتۆمبێلەكانی دیكە جێبهێڵی. 


4.لە كاتی لێخوڕیندا، زۆر وریاو هێمن بەو هەوڵبدە گوێبیستی هیچ دەنگێك نەبی (لە ریكۆردەرو رادیۆ) و مۆبایلیش بەكار مەهێنە، بەڵكو كەمێك جامی لای خۆت بهێنە خوارەوە، بۆ ئەوەی گوێبیستی هەر دەنگێكی نامۆ بی لە دەرەوە.


5.گەرمكەرەوەی جامی پێشەوە بەكار بهێنە تاوەكو رێگە نەدەیت شێ و هەڵم لەبەشی ژوورەوەیدا دروست بێت و مەدای بینینت هێشتا كەمتر ببێتەوە.
6.تەنها لەو كاتەدا دەتوانی سوود لە (برۆجێكتەری تەم) وەربگری و دایانگیرسێنی، كە رێگە دەدات بە باشترین شێوە رێگای پێش خۆت ببینی، نەوەك داگیرساندنی لەكاتە ئاساییەكاندا. 
7.شۆڵدەری راست یان چەپ بە پێی ئاراستەكەی رۆیشتنت، یاخود هێڵەكانی ناوەر|ِاستی رێگا بەكاربهێنە وەك رێنیشاندەرێك تاوەكو لە رێڕەودا دەرنەچیت و خوانەخواستە بچیتە رێڕەوی پێچەوانە. 


8.ئارام و هێمن و هەناسە درێژتربە لە كاتی ئاساییداو هەرگیز كرداری دەرچوون (تجاوز) لە ئۆتۆمبێلێكی دیكە ئەنجام نەدەیت. 
9.هەرچوار فلاشی ئاگادركردنەوەت دابگیرسێنەو مەیكوژێنەوە، چ لەكاتی رۆیشتن یان وەستاندا. 


10.ئەگەر نیازی خولانەوەت هەبوو ئەوا زۆر زووتر گڵۆپی ئاراستەكە دابگیرسێنە بۆ ئاگاداركردنەوەی شوفێرانی دیكەی دواوەت، چونكە شوفێری دواوە پشت دەبەستێ‌ بە هەڵسوكەوتی شوفێری پێشخۆی.


11.بەهیچ شێوەیەك لە رێڕەوی رێگاكاندا مەوەستە، بە تایبەتی ئەگەر رێگایەكە جەنجاڵ بوو، چونكە لەو حاڵەتەدا، تۆ و ئۆتۆمبێلەكەت دەبنە سەرەتای رووداوی پێكدادانی زنجیرەیی.


12. ئەگەر خوانەخواستە ئۆتۆمبێلەكەت دووچاری كێشەیەك بوو، ئەوا دەستبەجێ لەسەر رێڕەوی شەقام و رێگادا لایبەو فلاشەكانی دابگیرسێنەوەو خۆت و سەرنشینەكان بە تەواوی لێی دووربكەونەوە تا كەشەكە ئاساییتر دەبێتەوەو مەودای بینین زیاتر دەبێ. 
 

237 جار خوێندراوەتەوە
04/12/2018

بابەتی زیاتر