Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

سلێمانی.. لە 2018دا زیاترلە 3 ملیار دینار بۆ كەسوكاری شەهیدان خەرجكراوه‌


په‌یام - سامان فه‌ریق

لەماوەی ساڵی 2018 دا لە ڕێگەی بەڕێوەبەرایەتیی گشتیی كاروباری شەهیدان و ئەنفالكراوانی سلێمانییەوە بڕی 3 ملیارو 592 ملیۆن و 89 هەزارو 150 دینار بۆ لایەنی تەندروستی و خوێندكارانی كەسوكاری شەهیدان خەرجكراوە.

لەماوەی ئەمساڵدا لە رێگەی بەشی تەندروستیی بەڕێوەبەرایەتی گشتی كاروباری شەهیدان و ئەنفالكراوانی سلێمانییەوە بە بڕی 1 ملیارو 464 ملیۆن و 450 هەزار دینار چارەسەری تەندروستی بۆ (1526) نەخۆش لە كەسوكاری شەهیدان ئەنجامدراوە.

هەر لەو ماوەیەدا لە رێگەی بەشی پەروەردەی بەڕێوەبەرایەتییەكەوە بۆ كرێی خوێندنی (697) خوێندكاری كوڕو كچی شەهید بڕی 2 ملیارو 127 ملیۆن و 639 هەزارو 150 دینار خەرجكراوە تاوەكو لە زانكۆو پەیمانگاو خوێندنگە ئەهلییەكان وەربگیردرێن.

هەر لە ساڵی 2018 دا لە رێگەی بەشی نیشتەجێبوونەوە (508) پارچە زەوی بەسەر وارسی سەربەرزی شەهیداندا دابەشكراوە، هاوكات بەشەكە ناوی 188 شەهیدی سەنگەرو جینۆسایدی دیكه‌ی‌ بۆ وەزارەتی شەهیدان ناردووە تاوەكو رەزامەندی وەرگرتنی زەوییان بۆ دەربكات.

بەشی كۆمەڵایەتیی بەڕێوەبەرایەتییەكەش لەهەمان ماوەدا مامەڵەی دیاری هاوسەرگیری بۆ (177) كوڕو كچی شەهیدی سەنگەرو جینۆسایدو شەهیدانی تيرؤرى دەستی داعش كردووە كە بڕی پارەكەیان دەكاتە (885) ملیۆن دینار بەڵام بەهۆی قەیرانی داراییەوە پارەكەیان بۆ خەرجنەكراوە.


لەم راپۆرتەدا پوختەی كاروچالاكییەكانی بەڕێوەبەرایەتی گشتی كاروباری شەهیدان و ئەنفالكراوانی سلێمانی خراوەتەڕوو:-

بەشی تەندروستی
بەپێی ئامارێكی بەشی تەندروستی بەڕێوەبەرایەتی گشتیی كاروباری شەهیدان و ئەنفالكراوانی سلێمانی لە ماوەی ساڵی 2018 دا سەدان كەس لە كەسوكاری سەربەرزی شەهیدان لەڕێگەی ئەم بەشەوە سوودمەند بوون لەوەرگرتنی پێداویستییە تەندروستییەكان.

لە ساڵی 2018 دا بەپێی فەرمانێكی قوبادی تاڵەبانی جێگری سەرۆكی حكومەتی هەرێمی كوردستان بۆ 492 نەخۆش بڕی 495 ملیۆن دینار خەرجكراوە، ئەو نەخۆشانە لە ساڵانی رابردوودا نەشتەرگەرییان لە نەخۆشخانە حكومی و ئەهلییەكاندا ئەنجامداوەو دواتر پسوڵەی نەشتەرگەرییەكانیان هێناوە بۆ بەڕێوەبەرایەتی گشتی شەهیدانی سلێمانی و لەمساڵدا ئەو بڕە پارەیان بۆ سەرفكراوە.

هەر لە ماوەی ساڵی 2018 دا ئەو كەسانەی پێویستیان بە شەبەكە و باڵۆن و قەستەرە هەبووە ژمارەیان (467) حاڵەت بووەو بۆ هەریەكەیان بڕی 1 ملیۆن و 200 هەزار دینار سەرفكراوە، كە كۆی گشتییان دەكاتە 560 ملیۆن و 400 هەزار دینار.

لە نەخۆشخانەی شۆڕشیش (277) حاڵەتی نەشتەرگەریی بۆ كەسوكاری شەهیدان كراوە كە بۆ هەریەكەیان بڕی 1 ملیۆن دیناری تێچووەو كۆی گشتییان دەكاتە 277 ملیۆن دینار. ئەمە جگەلە چارەسەركردنی (28) حاڵەتی جۆراوجۆری دیكەش كە تەنیا لە نەخۆشخانەكە چارەسەریان وەرگرتووە.

لە بەشی تیشكی فەرمانگەی تەندروستیش چارەسەری تەندروستی بۆ (44) حاڵەت بەبڕی (75) هەزار دینار كراوە كە كۆی گشتییان دەكاتە 3 ملیۆن و 300 هەزار دینار.

هەروەها لە نەخۆشخانەی شەهید د.ئاسۆ لە سلێمانی چارەسەر بۆ (23) حاڵەت كراوە بەبڕی (750) هەزار دینار كە كۆی گشتییان دەكاتە 17 ملیۆن و 250 هەزار دینار.

لە فەرمانگەی تەندروستی بەشی كۆئەندامی هەرس و جگەریش چارەسەری تەندروستی بۆ (145) حاڵەت كراوە بۆ هەریەكەیان بەبڕی (500.000) هەزار دینار كە كۆی گشتییان دەكاتە 72 ملیۆن و 500 هەزار دینار.

هەروەها لە نەخۆشخانەی مناڵبوونی سلێمانیش بڕی 7 ملیۆن و 500 هەزار دینار، بۆ (15) نەخۆش تەرخانكراوە واتە بۆ هەریەكەیان (500) هەزار دینار.

لە نەخۆشخانەی شاری سلێمانیش بۆ (63) حاڵەت بڕی 31 ملیۆن و 500 هەزار دینار تەرخانكراوە واتە بۆ هەریەكەیان (500.000) دینار خەرجكراوە.
هەروەها لە نەخۆشخانەی هیوا لە شاری سلێمانی 13 نەخۆش بینراون و چارەسەری كیمیاییان بۆ ئەنجامدراوە.

واتە لە ماوەی ساڵی 2018 دا بەبڕی 1 ملیارو 464 ملیۆن و 450 هەزار دینار چارەسەری تەندروستیی بۆ (1526) نەخۆش لە وارسی سەربەرزی شەهیدان ئەنجامدراوە.


بەشی كۆمەڵایەتیی
بەشی كۆمەڵایەتیش لە ماوەی ساڵی 2018 دا مامەڵەی دیاری هاوسەرگیری بۆ (177) كوڕو كچی شەهیدی سەنگەرو جینۆسایدو شەهیدانی تیرۆری دەستی داعش كردووە كە بڕی پارەكەیان دەكاتە (885) ملیۆن دینار بەڵام بەهۆی قەیرانی داراییەوە پارەكەیان بۆ خەرجنەكراوە.
لەو ژمارەیەش (129) یان كوڕو كچی شەهیدی سەنگەر و (37) یان كوڕو كچی شەهیدی جینۆساید و (11) یان كچ و كوڕی شەهیدانی تیرۆری دەستی داعشن.
پێویستبوو بۆ هەریەك لەو كچ و كوڕی شەهیدانە بڕی (5.000.000) ملیۆن دینار خەرجبكرایە، بەڵام حكومەتی هەرێم بەهۆكاری قەیرانی دارایی پارەكەیانی بۆ خەرجنەكردووە.


بەشی پەروەردە
لە رێگەی بەشی پەروەردەشەوە لە ماوەی ساڵی 2018 دا بۆ كرێی خوێندنی (697) خوێندكاری كوڕو كچی شەهید بڕی 2 ملیارو 127 ملیۆن و 639 هەزارو 150 دینار خەرجكراوە تاوەكو لە زانكۆو پەیمانگاو خوێندنگە ئەهلییەكان وەربگیردرێن.
هەر لە رێگەی ئەم بەشەوە لە ساڵی 2018 دا (249) پشتگیری بۆ كوڕو كچی شەهید كراوە بەمەبەستی راپەراندنی ئیش و كارەكانیان لە زانكۆ و پەیمانگاكان و ناوەندەكانی خوێندندا.

بەشی نیشتەجێبوون
ئەم بەشەش لە ماوەی ساڵی 2018 دا سەردانی هەریەك لە شارەوانییەكانی سلێمانی، شارەزوور، وارماوا، سەیدسادق، بازیان، پیرەمەگروون، چەمچەماڵ، قەڵادزێی كردووە بەمەبەستی دابینكردنی زەوی بۆ كەسوكاری سەربەرزی شەهیدان.
هەر لەماوەی ساڵی 2018 دا لە رێگەی ئەم بەشەوە (508) پارچە زەوی بەسەر وارسی سەربەرزی شەهیداندا دابەشكراوە، هاوكات بەشەكە ناوی 188 شەهیدی بۆ وەزارەتی شەهیدان ناردووە تاوەكو رەزامەندی وەرگرتنی زەوییان بۆ دەربكات، لەو ژمارەیەش 117 یان شەهیدی سەنگەرو 71 یان شەهیدی جینۆسایدن.

123 جار خوێندراوەتەوە
07/01/2019

بابەتی زیاتر