Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

ئه‌مریكا ره‌تیكرده‌وه‌ دیپلۆماتكارانی له‌ فه‌نزوێلا بكشێنێته‌وه‌


په‌یام

وه‌زیر‌ی ده‌ره‌وه‌ی ئه‌مریكا، مایك پۆمپیۆ رایگه‌یاند كه‌ ئیداره‌ی سه‌رۆكی ڤێنیزوێلا، نیكۆڵاس مادورۆ به‌ شه‌رعی ناناسن بۆیه‌ پابه‌ند نابن به‌ رێنمایی ناوبراو بۆ ئه‌وه‌ی دیپلۆماتكارانی وڵاته‌كه‌ی ڤێنیزوێلا جێ بهێڵن.

وه‌زیر‌ی ده‌ره‌وه‌ی ئه‌مریكا پشتگیری واشنتۆنی بۆ سه‌رۆكی ئه‌نجوومه‌نی نیشتمانی ڤێنیزوێلا، خوان گواید ده‌ربڕی كه‌ خۆی وه‌ك كه‌سێك كه‌ به‌ شێوه‌یه‌كی كاتی سه‌رۆكایه‌تی ڤێنیزوێلا ده‌كات راگه‌یاندووه‌ و وتی: "ئاماده‌ین بۆ پشتگیریكردن له‌ سه‌رۆك گوایدۆ بۆ دامه‌زراندنی حكوومه‌تێكی راگوزه‌ر و هێنانه‌دی ئه‌ركه‌ ده‌ستوورییه‌كان هه‌روه‌ها دیاریكردنی ستاتۆ دیپلۆماتییه‌كان كه‌ له‌ ئه‌مریكا و وڵاتانی دیكه‌ هه‌ن".

مایک پۆمپیۆ هه‌روه‌ها دوای لێدوانه‌كه‌ی گوایدۆ به‌رامبه‌ر لێدوانه‌كه‌ی مادورۆ له‌ راگه‌یه‌ندراوه‌كدا خۆشحاڵی خۆی ده‌ربڕی به‌ مانه‌وه‌ی دیپلۆماتكارانیان له‌ ڤێنیزوێلا.

مایک پۆمپیۆ جه‌ختیكرده‌وه‌ له‌وه‌ی دیپلۆماتكارانیان له‌ ڤێنیزوێلا ناكشێننه‌وه‌ و وتی: "ئه‌مریكا به‌رده‌وام ده‌بێت له‌ په‌یوه‌ندییه‌ دیپلۆماتییه‌كانی له‌گه‌ڵ ڤێنیزوێلا، حكوومه‌تی سه‌رۆكی راگوزه‌ر گوایدۆ كه‌ نوێنه‌رانمانی بانگهێشتكردووه‌ ئه‌و په‌یوه‌ندییانه‌ رێك ده‌خات. وای بۆ ناچین رژێمی سه‌رۆكی پێشوو، نیكۆڵاس مادورۆ یاسا ده‌سه‌ڵاتی ئه‌وه‌ی پێ بدات په‌یوه‌ندییه‌كان له‌گه‌ڵ ئه‌مریكا بپچڕێندرێن یان دیپلۆماتكارانمان وه‌ك كه‌سانی نه‌ویستراو رابگه‌یه‌نێت". 

111 جار خوێندراوەتەوە
24/01/2019

بابەتی زیاتر