Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

مه‌ڵبه‌ندی سلێمانی كۆمه‌ڵ؛ به‌یاننامه‌یه‌ك به‌بۆنه‌ی ساڵیادی راپه‌ڕینی سلێمانی بڵاوده‌كاته‌وه‌


په‌یام

مه‌ڵبه‌ندی‌ سلێمانی‌، كۆمه‌ڵی‌ ئیسلامی‌ كوردستان له‌ ساڵیادی‌ راپه‌رینی‌ خه‌ڵكی‌ شاری‌ سلێمانی‌ له‌ 7ـی‌ ئازاری‌ 1991ـدا، دژی‌ دام‌و ده‌زگاكانی‌ رژێمی‌ به‌عس؛ به‌یاننامه‌یه‌ك بڵاوده‌كاته‌وه‌و رایده‌گه‌یه‌نێت " ٢٨ ساڵ دوای ئەو شاکارە مەزنە کە ڕاپەڕینی سلێمانی ئەڵقەیەکێتی، دەسەڵاتی سیاسیی هێشتا دەیەوێ بە عەقڵیەتی سەردەمی شاخ وڵات بەڕێوەببات، هەربۆیە سیستمێکی دەسەڵاتدارێتی دواکەوتووی وای دروستکردووە، کە جگە لە خۆیان و بنەماڵە سیاسییەکانیان، بۆتە نەهامەتی و نەگبەتی بۆ خەڵکی کوردستان".

له‌به‌یاننامه‌كه‌شدا هاتووه‌، لەمیادە مەزنەدا درود بۆ گیانی شەهیدانی گەلەکەمان بە تایبەتیش ئەو ڕۆڵە دیندار و خواناسانەی لە ڕیزی هێزەکانی ڕابوونی ئیسلامیی کە لە ڕاپەڕیندا ڕۆڵی گەورەو گرنگیان هەبوو و ئەم ئازادییەی ئێستاشمان، بەرهەمی ئەو بەرخودان و گیانبازییەی ئەو جوامێرانە و هاوڕێکانیانە.



ده‌قی‌ به‌یاننامه‌كه‌...

لەڕۆژێکی وەک ئەمڕۆدا و لەبەرەبەیانێکی زوودا، خەڵکی سلێمانیی هەڵیانکوتایە سەر دەزگا داپڵۆسێنەرەکانی بەعس و تەوقی کۆیلایەتی و زنجیری زیندانەکان و کەلەپچەی ئازادیخوازانیان شکاند.

٢٨ ساڵ دوای ئەو شاکارە مەزنە کە ڕاپەڕینی سلێمانی ئەڵقەیەکێتی، دەسەڵاتی سیاسیی هێشتا دەیەوێ بە عەقڵیەتی سەردەمی شاخ وڵات بەڕێوەببات، هەربۆیە سیستمێکی دەسەڵاتدارێتی دواکەوتووی وای دروستکردووە، کە جگە لە خۆیان و بنەماڵە سیاسییەکانیان، بۆتە نەهامەتی و نەگبەتی بۆ خەڵکی کوردستان.

دوای زیاتر لە چارەکە سەدەیەک لە ڕاپەڕین و ڕاماڵینی بەعسییەکان، دەسەڵاتی سیاسیی هەرێمی کوردستان شکۆی تاکی کوردی هێندە لاواز و بێئیرادە کردووە کە هەموو خەون و داوایەکی بۆتە وەرگرتنی نیو موچەکەی لەکاتی خۆیدا.

خەڵکی کوردستان ڕاپەڕینی نەکرد تا دیکتاتۆر و ستەمکارێکی عەرەب بگۆڕێ بە دەیان ستەمکار و لەشکرێک پیسخۆری کورد کە سەرەڕای تاڵان و فەرهودی سامانی گشتیی، ژیانیان لە خەڵکە ڕەسەنەکەی کردۆتە دۆزەخ و دۆخێکیان خوڵقاندووە کە موچەی جاش و مستەشارێکی بەعس لە موچەی ئەو پێشمەرگە شەهیدە زیاترە کە گیانی خۆی کردە قوربانی ئازادی بۆ گەلەکەی.

لەمیادە مەزنەدا درود بۆ گیانی شەهیدانی گەلەکەمان بە تایبەتیش ئەو ڕۆڵە دیندار و خواناسانەی لە ڕیزی هێزەکانی ڕابوونی ئیسلامیی کە لە ڕاپەڕیندا ڕۆڵی گەورەو گرنگیان هەبوو و ئەم ئازادییەی ئێستاشمان، بەرهەمی ئەو بەرخودان و گیانبازییەی ئەو جوامێرانە و هاوڕێکانیانە.

مەڵبەندی سلێمانیی
کۆمەڵی ئیسلامیی کوردستان 
٧ ی ئازارـی ٢٠١٩


370 جار خوێندراوەتەوە
07/03/2019

بابەتی زیاتر