Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

سلێمانی‌.. ئاسایش‌و پۆلیس وورده‌كاری‌ ده‌ستگیركردنی‌ بانده‌كه‌ ئاشكراده‌كه‌ن


په‌یام


به‌یانی‌ ئه‌مرۆ پاره‌ی‌ فه‌رمانبه‌رانی‌ نه‌خۆشخانه‌ی‌ (شار)ی‌ سلێمانی‌ كه‌ دوێنێ دزرا؛ دۆزرایه‌وه‌.

به‌یانی‌ ئه‌مرۆ وەزیری دارایی و ئابووری هەرێمی کوردستان رایگەیاند، پارە و مووچەی فەرمانبەرانی نەخۆشخانەی شار لە سلێمانی گەڕێندرایەوە و تاوانبارانیش دۆزراونەتەوە. 

هاوكات له‌ كۆنگره‌یه‌كی‌ رۆژنامه‌نووسی‌ هاوبه‌شی‌ به‌رێوه‌به‌ری‌ ئاسایشی‌ گشتی‌ سلێمانی‌‌و به‌رێوه‌به‌ری‌ به‌رێوه‌به‌رایه‌تی‌ پۆلیسی‌ سلێمانی‌، دۆزینه‌وه‌ی‌ پاره‌كه‌و ده‌ستگیركردنی‌ تۆمه‌تباران راگه‌یه‌نرا.

به‌رێوه‌به‌ری‌ ئاسایشی‌ گشتی‌ سلێمانی‌ له‌ كۆنگره‌ رۆژنامه‌نووسییه‌كه‌دا، زانیاری‌ له‌سه‌ر بانده‌كه‌و چۆنێتی‌ دزینی‌ پاره‌كه‌ی‌ بڵاوكرده‌وه‌و رایگه‌یاند، بانده‌كه‌ له‌ حه‌وت كه‌س پێكهاتبوون‌و 80%ـی‌ بانده‌كه‌ پێشینه‌ی‌ تاوانی‌ كوشتن‌و دزی‌و خراپه‌كارییان هه‌بووه‌و سه‌رجه‌میشیان دانیان به‌تاوانه‌كانیاندا ناوه‌.

 حه‌سه‌ن نووری، به‌رێوه‌به‌ری‌ ئاسایشی‌ سلێمانی‌ راشیگه‌یاند، بانده‌كه‌ پێش ده‌ رۆژ پیلانیان بۆ ئه‌م تاوانه‌ داناوه‌و ئۆتۆمبیلی‌ تایبه‌تیان بۆ ئه‌نجامدانی‌ كرداره‌كه‌ كریوه‌.

راشیگه‌یاند، سه‌رۆكی‌ بانده‌كه‌ ماڵی‌ له‌ نزیكی‌ بانقه‌كه‌یه‌و له‌و رێگایه‌وه‌ چاودێری‌ كاتی‌ دابه‌شكردنی‌ پاره‌ی‌ كردووه‌و زانیاری‌ كۆكردوه‌ته‌وه‌.

به‌رێوه‌به‌ری‌ ئاسایشی‌ سلێمانی‌ ئاشكراشیكرد، ره‌نگه‌ بانده‌كه‌ " به‌ناراسته‌وخۆ" له‌ رێگای‌ كه‌سێك له‌ نه‌خۆشخانه‌كه‌ زانیارییان له‌سه‌ر كات‌و شوێن‌و چۆنێتی‌ وه‌رگرتنی‌ پاره‌كه‌ له‌ بانق وه‌رگرتووه‌. 

هاوكات له‌ كۆنگره‌ رۆژنامه‌نووسییه‌كه‌دا راگه‌یه‌نرا، پاره‌كه‌ لێی‌ ده‌رنه‌هێنراوه‌و كه‌می‌ نه‌كردووه‌.

هه‌روه‌ها به‌رێوه‌به‌ری‌ پۆلیسی‌ سلێمانی‌ رایگه‌یاند، به‌هۆی‌ دانانی‌ خاڵی‌ پشكنین له‌ شه‌قامه‌كانی‌ ناوشارو ئه‌و شه‌قامانه‌ی‌ كه‌ له‌شار ده‌رده‌چن، دزه‌كان نه‌یانتوانیوه‌ له‌ناو شاری‌ سلێمانی‌ برۆنه‌ ده‌ره‌وه‌و توانرا له‌ماوه‌ی‌ كه‌متر له‌ 24 كاتژمێر بانده‌كه‌ ده‌ستگیربكرێن‌و دواین كه‌سیان ئه‌م به‌یانییه‌ ده‌ستگیركراوه‌.

به‌رێوه‌به‌ری‌ پۆلیسی‌ سلێمانی‌ ووتیشی‌، سه‌رجه‌م بانده‌كه‌ كوردبوون.

565 جار خوێندراوەتەوە
13/03/2019

بابەتی زیاتر