Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

ئەنجومەنی وەزیران چەند بڕیارێک لەبارەی دەوامی فەرمانبەران دەردەکات


پەیام 

نێچیرڤان بارزانی، سەرۆکی ئەنجومەنی وەزیرانی هەرێم لەبارەی پابەندنەبوونی فەرمانبەران بە دەوامی فەڕمییەوە چەند بڕیارێکی نوێ دەردەکات و داوادەکات: داوادەکات رێکارەکانی تایبەت بە مۆڵەتی فەرمانبەران تووندوتۆڵ بکرێن. 

لە نوسراوێکدا کە ئیمزای نێچیرڤان بارزانی پێوەیە و ئاراستەی سەرجەم وەزارەتەکانی حکومەتی هەرێمی کوردستان کراوە، هاتووە: "بەپێی زانیاری و بەدواداچوونمان لە زۆربەی وەزارەت و دام و دەزگا حکومییەکان فەرمانبەران وەکو پێویست پابەندنین بە دەوامی فەرمییەوە، بەداخەوە بەهۆی کەمتەرخەمی و نەگرتنەبەری رێکاری پێویست بەرامبەر بەو فەرمانبەرانە.

ئاماژە بەوەشکراوە: پابەندنەبوون بە دەوامی فەرمی بووەتە دیاردە و ئەمەش بووەتە هۆی دروستبوونی بۆشایی و رێگرە لە بەردەم بەرێکۆوپێکی بەڕێوەچوونی کاروباری هاووڵاتیان. 

لە نوسراوەکەدا ئەوەشهاتووە: بە لەبەرچاوگرتنی باشبوونەوەی دۆخی دارایی هەرێم و نەمانی سیستەمی پاشەکەوت و، بۆ بەرژەوەندی گشتی و راییکردنی کاروباری هاووڵاتیان، پێویستە سەرجەم وەزارەت و دام و دەزگاکانی حکومەت رێکاری پێویست بگرنەبەر بۆ پابەندکردنی فەرمانبەرانیان بە دەوامی فەرمییەوە بەپێی کاتەکانی دیاریکراو و رۆژەکانی دەوامەوە بەو شێوەیەی کە یاسا دیاریکردووە.

هاوکات دەبێت رەچاوی ئەم خاڵانەی خوارەوە بکرێت: 

1- تووندوتۆڵکردنی رێکارەکانی تایبەت بە مۆڵەتدانی فەرمانبەران.

2- گرتنەبەری رێکاری یاسایی و کارگێڕی بەرامبەر هەموو ئەو فەرمانبەرانەی کە پابەندنابن بە دەوامی فەرمییەوە.

3- پابەندبوونی تەواو بە بڕیاری ژمارە 1ـی ساڵی 2002ـی پەرلەمانی کوردستان بەوەی کە هەر فەرمانبەرێک بەبێ هەبوونی پاساوی رەوا بۆ ماوەی 30 رۆژ لەکار دابڕا دەبێ فەرمانی لەکارلادانی بۆ دەربکرێت.

4- هەر وەزارەت و دامودەزگایەک ناو و ژمارەی سەرجەم ئەو فەرمانبەرانەی کە زیادن لە میلاکیان ئامادەبکەن، لەگەڵ جیاکردنەوەی ناو و ژمارەی سەرجەم ئەو فەرمانبەرانەی کە تەنها مووچە وەردەگرن و هیچ شوێن و ئەرکێکیان نییە و بەهیچ شێوەیەک دەوام ناکەن و، بۆ ئەو سەرۆکایەتییەی بنێرن.


619 جار خوێندراوەتەوە
05/04/2019

بابەتی زیاتر