Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

بە جێبەجێکردنی ئەم رێنماییانە خۆت دڵخۆش بکە


پەیام 

جەنجاڵبوونی کایەکانی ژیان و قورستربوونی گوزەرانی هاوڵاتیان کاریگەری خراپ لەسەر باری تەندروستی و ئارامی دەروونی کەسەکان جێدەهێڵێت، بەم جێبەجێکردنی ئەم رێنماییانە ژیانێکی سادەتر و ئاسودەتر بۆخۆت دابین بکە. 

ڕێنماییەكانیش بریتین لـە:

خۆراكی تەندروست بخۆ:

بڕوا بكەیت یان نـــا، خۆراك كاریگەری زۆر بەهێزی هەیە لەسەر مێشك و دەرونی مرۆڤ، بۆیەش ووتراوە (تۆ دەبیتە ئەو شتەی كە دەیخۆیت) . پێویستە گرنگی بە خۆراكی تەندروست بدرێت، بەتایبەتی خواردنی میوە و سەوزە جۆراوجۆرەكان كە گرنگن بۆ تەندروستی . 

مرۆڤیش كە تەندروست بوو فشاری دەرونی كەمتر دەبێتەوە و زیاتر هەست بە ئارامی دەكات. توێژەران باس لەگرنگی خواردنی میوە و سەوزە جۆراوجۆرەكان دەكات لەسەر هەستەكانی مرۆڤ.

خواردنەوەی بڕی پێویستی ئاو و شلەمەنیەكان:

ئاو پێكهاتەیەكی سەرەكییە لە خانەكانی لەشدا و ڕۆڵێكی گەورەی هەیە لە زیندەچالاكییەكاندا، و دەبێتە هۆی كردنە دەرەوەی ژەهر لەلەشدا، و سوڕی خوێن چالاك دەكات و هێز و ووزە بە جەستە و مێشك دەبەخشێت. كە مێشك و جەستە ووزەی پێویستیان هەبوو مرۆڤەكەش هەست بە ئارامی و تەندروستی دەكات و فشارە دەروونیەكانی كەم دەبنەوە و نامێنن.

كات تەرخان بكە بۆ خواردن و خواردنەوە: 

بە مانایەكی تر بە ئاگاییەوە خۆراك بخۆ، و كاتێك كە هەر شتێك دەخۆیت، هەموو تەركیزت لەسەر ئەو خۆراكەبێت و بزانە چی دەخۆیت و بۆچی دەیخۆیت، و سوپاس گوزاربە بۆ ئەو خۆراكەی پێت بەخشراوە، و چێژ و خۆشی هەست پێبكە، پێویستە بە ئارامی و لەسەرخۆ خۆراك بخورێت و كاتی بۆ تەرخان بكرێت.

نوستن بە بڕی پێویست:

خەوێكی تەندروست كاریگەرە بۆ تەندروستی جەستە و مێشك. توێژینەوەكان باس لە گرنگی نوستن دەكەن بۆ ئارامی و تەندروستی مێشك بەشێوەیەك كە دەبێتە هۆی پاراستنی مێشك لە توشبوون بە شێواوی و ناتەندروست بوونی، و لە كاتی نوستندا مێشك خۆبەخۆ كاردەكات بۆ ڕزگاربوونی لە ژەهر و كاریگەری فشارەكان.

ئەنجامدانی  وەرزش و جوڵەی جەستەیی:

ئاشكرایە كە وەرزش كاریگەری بەهێزی هەیە لەسەر تەندروستی جەستە و دەروون. بۆیەش پێویستە ڕۆژانە وەرزشی ئاسان وەك بە پێ‌ ڕۆیشتن ئەنجام بدرێت و بەكارهێنانی ئۆتۆمۆبیل كەمبكرێتەوە و زیاتر گرنگی بە ڕۆیشتن بە پێ‌ بدرێت لە هەوای كراوەدا.لە پێناو تەندروستی جەستە و دەروون و كەمكردنەوە و نەهێشتنی فشارە دەروونیەكان.

گەشبین بــە وبە باشی بیربكەرەوە:

بیری پۆزێتیڤ و گەشبینی زۆر گرنگن بۆ تەندروستی دەروونی,و دەبنە هۆی زیادبوونی هێز و ووزەی مرۆڤ . بیركردنەوەی  گەشبیانەن ئیلهام بەخشە بۆ مرۆڤ بۆ هەوڵدان بۆ گەیشتنی بە ئامانجەكانی لە ژیاندا. بەردەوام بوونی مرۆڤیش لە هەوڵدان بە هیواو گەشبینییەوە  ئارامی بە ناخ و دەرونی دەبەخشێت و لە فشار و دودڵی دووری دەخاتەوە.

تەرخانكردنی كات بۆ خۆشەویستانت:

بەسەربردنی كات لەگەڵا هاوڕێ‌ و كەسانی نزیك و ئازیزان  ئارامی بە ناخ و دەروونی مرۆڤ دەبەخشێت. هەستكردن بە بوونی كەسانێكی باش لە چواردەور وا لە مرۆڤ دەكەن فشارەدەروونیەكانی كەمتر ببێتەوە و هەستی جێگیری و ئارامی دەرونی زیاتر بێت كاتێك درك بەوە دەكات كەسانێكی ئازیزی هەن كە لە كات و ساتە خۆش و ناخۆشەكانیدا پشتیوانی و هاوكاری دەكەن. بەمەش دەروونی ئارام دەبێت و فشاری نامێنێت.

گرنگی دان بە هەستی پێزانین و سوپاسگوزاری:

پێویستە مرۆڤ پێزانینی هەبێت بۆ ئەو نیعمەت و بەخششانەی كە پێی بەخشراوە لەم جیهانەدا. ئەگەر بە هەستی پێزانینەوە دووبارە چاو بخشێنینەوە بە دەوروبەرماندا ئەوا هەست بە بوونی بەخششی زۆر جوان و مەزن دەكەین كە ڕەنگە تا ئێستا و وەك پێویست نرخیان نەزانین. لەو نمونانە زۆرن, وەك نیعمەتی ئاسایش و ئارامی ووڵات، بوونی هاوڕێ‌ و كەسانی ئازیز،  بوونی ماڵا و شوێنی حەوانەوە، بوونی كارو پیشەو هتد ... لەم جیهانەدا كەسانێكی زۆر هەن كە لەم بەخششانە بێ‌ بەشن. بۆیە بیركردنەوە لەو بەخششانە و سوپاسگوزاربوون هەستی ڕازیبوون و ئارامی دەروونی بە مرۆڤ دەبەخشن.


فێربوونی چێژ وەرگرتن لە شتە سادەكات:

زۆر شتی سادە هەن لە چواردەوری مرۆڤ  كە دەتوانن چێژ و خۆشی بە ناخ و دەروونی ببەخشن ئەگەر بە ئاگاییەوە لێیان بڕوانێت. وەك چێژوەرگرتن لە دیمەنی خۆر ئاوابوون، لە زەردەخەنەی منداڵێك، لە بۆنكردنی گوڵێك، لە بزەی لێوی كەسانێك كە هاوكارییەكیان پێدەبەخشین، یاخود ئەنجامدانی پەرستشێك، وهتد.... ئەمانەو چەندین نمونەی هاوشێوە هەن كە خۆشی و ئارامی بەدەروونی مرۆڤ دەبەخشن و لە فشار و نائارامی دەروونی دووری دەخەنەوە.

ئەنجامدانی یۆگا و مێدیتەیشن:

یۆگا بەگشتی و مێدیتەیشن بە تایبەتی وزە و ئارامی زۆر بە مرۆڤ دەبەخشن و لە ژەنگی هزر و بیرە نێگەتیڤەكان و لە فشاری ژیان بە تاڵی دەكەنەوە, بۆیە لە ئێستادا و لە ووڵاتانی پێشكەوتوودا گرنگی زۆر بە یۆگا و مێدیتەیشن دەدرێت لە پێناو كەمكردنەوە ی ئازارە دەروونی و جەستەییەكان و ڕزگار بوون لە فشار ی ژیان و هەستكردن بە ئارامی ناوەكی .

بە پەیڕەوكردنی ئەم ڕێنماییانە بە شێوازێكی ڕێك و پێك, و ڕۆژانە دەبیتە كەسێكی زۆر ئارامتر و تەندروستتر و باشتر لە هەموو لایەنەكانەوە.

338 جار خوێندراوەتەوە
11/04/2019

بابەتی زیاتر