Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

سلێمانی‌.. مامۆستا عه‌لی‌ باپیر له‌گه‌ڵ ئه‌ندامانی ئۆرگانه‌كانی كۆمه‌ڵ كۆبوه‌وه‌


به‌ مه‌به‌ستی ئاگاداربوون له‌ دواگۆڕانكارییه‌كان و بارودۆخی سیاسیی ناوچه‌كه‌ و ناوخۆی كۆمه‌ڵی ئیسلامی، پاشنیوه‌ڕۆی سێشه‌مه‌ به‌ئاماده‌بوونی ژماره‌یه‌ك له‌ ئه‌ندامانی ئه‌نجوومه‌نی سیاسی و سه‌ركردایه‌تی، له‌ كۆڕێكی داخراودا كه‌ له‌ مه‌ڵبه‌ندی سلێمانی ساز كرابوو، مامۆستا عه‌لی باپیر وته‌یه‌كی بۆ كارگێڕان و ئه‌ندامانی ئۆرگانه‌كانی كۆمه‌ڵی ئیسلامی پێشكه‌ش كرد، تایبه‌ت به‌ بارودۆخی عێراق له‌ سه‌رده‌می نوێدا.

مامۆستا عه‌لی باپیر ئاماژه‌ی به‌وه‌ كرد كه‌ عێراقی نوێ به‌ شێوه‌ی لاسه‌نگ پێكهێنراوه‌ كه‌ سێكوچكه‌ی (شیعه‌-سوننه‌-كورد)ی‌ تێدا دروست بووه‌ و دوانیان له‌سه‌ر حسابی مه‌زهه‌بی دانه‌یه‌كیش له‌سه‌ر حسابی نه‌ته‌وه‌ی، بۆیه‌ ساقامگیریی سیاسی و ئاشتیی كۆمه‌ڵایه‌تی تیایدا مه‌حاڵ ده‌بێ و، به‌رده‌وام خاڵی نابێ له‌ ئاڵۆزی. ئه‌مه‌ وێڕای ده‌ستوه‌ردانه‌ نێوده‌وڵه‌تی و هه‌رێمییه‌كان، كه‌ ئه‌وه‌ش هۆكارێكی دیكه‌ی پشێوییه‌كانه‌.

ئه‌میری‌ كۆمه‌ڵی‌ ئیسلامی‌ وتیشی‌ "له‌سه‌ر ئاستی‌ نێوان هه‌رێم و حكومه‌تی‌ ناوه‌ند، حیزبه‌ باڵاده‌سته‌كانی هه‌رێم ئه‌وه‌نده‌ به‌ نه‌فه‌سی به‌رژه‌وه‌ندیی حیزبییه‌وه‌ كاریان كردووه‌، نیو هێنده‌ی‌ ئه‌وه‌ له‌ خه‌می به‌رژه‌وه‌ندییه‌ نه‌ته‌وه‌یی و نیشتمانییه‌كاندا نه‌بوون، له‌ هه‌مان كاتدا له‌ به‌غدایش به‌ ویژدانه‌وه‌ سه‌یری بارودۆخی هاووڵاتیانی هه‌رێم نه‌كراوه‌ و، زۆر جار له‌ به‌رامبه‌ر هه‌ڵه‌ی كه‌سێك یان حیزبێكی سیاسیی كوردستانی، سزای هاووڵاتیانی هه‌رێم دراوه‌.

تایبه‌ت به‌ حكومه‌تی هه‌رێم و هه‌ڵوێستی كۆمه‌ڵی‌ ئیسلامی‌ بۆ به‌شداری‌ له‌ كابینه‌ی نۆیه‌م، مامۆستا عه‌لی باپیر ئاماژه‌ی به‌وه‌ كرد "كابینه‌ی نۆیه‌م به‌سه‌ر كۆمه‌ڵێك كێشه‌ و گرفتدا كه‌وتووه‌ له‌ كاتی پێكهێنانیدا، كه‌ وا ده‌كات سه‌ركه‌وتنی له‌ داهاتوودا ئه‌سته‌م بێت". هه‌ر بۆیه‌ ئه‌میری‌ كۆمه‌ڵ دووپاتی‌ كرده‌وه‌ وه‌ك ڕای خۆی حكومه‌تێكی له‌مشێوه‌یه‌ به‌ شایانی ئه‌وه‌ نازانێت تیایدا به‌شدار بن. به‌ڵام جه‌ختی‌ له‌وه‌ كرده‌وه‌ "دوا بڕیار لای‌ سه‌ركردایه‌تیی‌ كۆمه‌ڵی‌ ئیسلامییه‌ و، هه‌ڵوێستی فه‌رمی ئه‌وه‌ ده‌بێت كه‌ ئه‌نجوومه‌نی سه‌ركردایه‌تی ته‌به‌نیی ده‌كات".

تایبه‌ت به‌ بارودۆخی نێوخۆی كۆمه‌ڵی ئێسلامی، مامۆستا عه‌لی باپیر ئاماژه‌ی به‌وه‌ كرد كه‌ كۆمه‌ڵی ئیسلامی پرۆژه‌یه‌كی ئیسلامییه‌ و ئه‌ندامه‌كانی ئاره‌زووماندانه‌ تێیدا كۆبوونه‌ته‌وه‌، ئه‌وه‌ی به‌ده‌ست هاتووه‌ به‌رهه‌می ڕه‌نج و خوێن و شه‌ونخونیی هه‌مووانه‌ به‌ قیاده‌ و قه‌واعیده‌وه‌، هه‌موو ئه‌ندامێك به‌ ئه‌ندازه‌ی دڵسۆزی و خه‌مخۆریی بۆ كۆمه‌ڵی ئیسلامی خاوه‌نی كۆمه‌ڵی ئیسلامین و هه‌رگیز هیچ كه‌سمان لێ زیاد نییه‌ و پاڵ به‌ كه‌سه‌وه‌ نانێین ڕیزه‌كانی كۆمه‌ڵ به‌جێ بهێڵێ، خۆ ئه‌گه‌ر كه‌سێكیش نه‌یویست به‌رده‌وام بێ، ئه‌وا هه‌وڵی له‌گه‌ڵ ده‌ده‌ین به‌رده‌وام بێ تا ئه‌و كاته‌ی قه‌ناعه‌تی هه‌یه‌ له‌ ڕیزه‌كانی كۆمه‌ڵدا بمێنێته‌وه‌، به‌ڵام كه‌ ڕای گۆڕی، بێگومان ئازاده‌ له‌ دیاریكردنی چاره‌نووس و ئاینده‌ی خۆی‌.

ئه‌میری‌ كۆمه‌ڵ وتیشی‌ "ئیسلامه‌تی‌ له‌ كۆمه‌ڵبووندا كورت هه‌ڵناهێنین و، هه‌رگیز به‌ پێویستم نه‌زانیوه‌ ئێمه‌ به‌ بڕیار ده‌ستبه‌رداری كه‌س ببین".

تایبه‌ت به‌ ئاینده‌ی كۆمه‌ڵی ئیسلامیش، مامۆستا عه‌لی باپیر وتی "كۆمه‌ڵی ئیسلامی پرۆژه‌یه‌كی ئیسلامیی ڕیشه‌داره‌ و، به‌ قسه‌ و قسه‌ڵۆكی هیچ كه‌سێك له‌كه‌دار نابێ و كه‌م ناكات و، سه‌رڕاستی و په‌رێزپاكیی كۆمه‌ڵی ئیسلامی له‌ ته‌واوی كایه‌كاندا ڕوون و ئاشكرایه‌".

له‌ كۆتاییدا ئه‌میری كۆمه‌ڵی ئیسلامی داوای له‌ ته‌واوی ئه‌ندامانی كۆمه‌ڵی ئیسلامی كرد ده‌ست و ده‌م پاك بن له‌ به‌رامبه‌ر هه‌ر یار و نه‌یارێك و، ده‌بێ به‌ ئه‌خلاق و ڕه‌وشتیان بیسه‌لمێنن له‌ خه‌ڵكی تر باشترن و، نابێ باشی و خراپیی هیچ كه‌سێك به‌ كۆمه‌ڵبوون بپێون.

دواتریش له‌لایه‌ن به‌شداربووانه‌وه‌ چه‌ند پرسیارێك ئاراسته‌ی‌ ئه‌میری كۆمه‌ڵی ئیسلامی كرا و، ڕاشكاوانه‌ وه‌ڵامی پرسیاره‌كانی دانه‌وه‌.

312 جار خوێندراوەتەوە
23/04/2019

بابەتی زیاتر