Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

تورکیا.. بەتۆمەتی کودەتاکەی 2016، فەرمانی گرتن بۆ 210 کەسی دیکە ده‌ركرا

په‌یام

دەزگاکانی ڕاگەیاندنی تورکیا بڵاویانكرده‌وه‌: پـۆلیسی وڵاتەکەیان 115 سەرباز و ئەفسەری لەشکریـیان دەسـتگیرکردووە بە تۆمەتی پەیوەست بە هەوڵی کودەتاکەی ساڵی 2016، ئەوەی ئەنکەرە فەتحوڵڵا گولەن پـیاوی ئاینی تورکی بە نەخشە داڕێژەری هەوڵەکە تۆمەتباردەکات.

هەواڵی دەسـتگیرکردنەکان دوێنێ هەینی پاش ئەوە ڕاگەیەندران کە داواکاری گشتی ئستەنبوڵ فەرمانی دەسـتگیرکردنی بۆ 210 ئەفسەر و سەرباز دەرکرد کە لە هێزی پـیادە و ئاسمانی و دەریایین، لەوانە 5 عەقید، 7 موقەدەم، 14 ڕائید، 33 کاپـتن.

ئاژانسی هه‌واڵی ئانادۆڵو بڵاویکردەوە 55 کەس لە ئیستەنبوڵ و 60 کەس لە ناوچەی دیکە دەسـتگیرکراون، بەڵام هیچ وردەکاری زیاتری نەدا.

لە لایەکی دیکە داواکاری گشتی ئەنکەرە هەر ئەمڕۆ لەسەر هەمان تۆمەت فەرمانی دەسـتگیرکردنی بۆ 41 کەسی دیکە دەرکرد کە لە 13 ناوچەی وڵاتەکەدان.

به‌گوێره‌ی ئاژانسی هه‌واڵی ڕۆیتەرز لە 15 ی ته‌مموزی 2016 وه‌ كه‌ هەوڵی کودەتاکە درا، زیاتر لە 77 هەزار کەس دەسـتگیرکراون بە تۆمەتی پەیوەندیـیان بە ڕێکخراوی فەتحوڵڵا گولەنەوە.
ئاژانسی فڕانس پـرێسیش دەڵێت زیاترلە 140 هەزار کارمەندی حکومی، لەوانە مامۆستا و دادوەر لە کارەکانیان دەرکراون یان لابراون.

213 جار خوێندراوەتەوە
27/04/2019

بابەتی زیاتر