Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

زیانە تەندروستییەكانی زیاد به‌كارهێنانی خوێ‌



له‌ نه‌خۆشخانه‌ی به‌خشین وه‌رگیراوه‌
 

مەترسییەكانی بەكارهێنانی خوێ‌، لەسەر ئەندامەكانی جەستە زۆرن، هەندێك وا تێگەیشتوون كە زۆر خوێ‌ بخورێت توشی بەرزبوونەوەی فشاری خوێن دەبن، لە راستیدا ئەگەر كەسێك بە زیاد بەكارهێنانی خوێ‌، تەنها فشاری خوێنی بەرزببێتەوە، ئەوە كەسێكی زۆر بە بەختە، چونكە خوێ مەترسی زۆری هەیە بۆ زووربەی كۆئەندام و بەشەكانی جەستە، لێرەدا ئاماژە بەو بەش و ئەندامانەی جەستە دەكەین، كە توشی زیان  دەبن و تەندروستیان دەشێوێت بە بەكارهێنانی بڕی زیادی خوێ‌، له‌وانه‌:

 


1. دڵ و دەمارەكان: ئاشكرایە كە زیاد بەكارهێنانی خوێ‌، دەبێتە هۆی بەرزبوونەوەی فشاری خوێن، بەڵام مەترسییەكە لەوە زیاترە و زیانەكە دەگوازرێتەوە بۆ دڵ و دەمارە خوێنەكانیش، توێژینەوەكان باس لەوە دەكەن كە زیادبوونی بڕی خوێ‌ لە خوێندا، دەبێتە هۆی كاریگەری خراپ لەسەر تەندروستی دڵ، بە شێوەیەك كە دیواری سكۆڵەی چەپی دڵ تەنگ دەبێتەوە و زیان بە دڵ دەگەیەنێت، ئەم حاڵەتەش سەردەكێشێت بۆ توشبوونی دڵ بە كێشەی زیاتر، وەكو تێكچوونی لێدانەكانی دڵ، لاوازبوونی دڵ، توشبوون بە سەكتەی دڵ .. هتد)، توێژینەوەكان جەخت لەوە دەكەنەوە، كە ئەم حاڵەتە روودەدات ئەگەرچی كەسەكە توشی بەرزەفشاری خوێنیش نەبووبێت. 

2. گورچیلەكان: كاری گورچیلەكان كردنە دەروەی شلەمەنی زیادە و ماددە زیان بەخشەكانە بۆ دەرەوی جەستە، لەگەڵ چەندین كاری گرنگی تر، بەڵام زیاد بەكارهێنانی خوێ‌، دەبێتە هۆی ئەوەی  گورچیلەكان توشی پەككەوتەی دەكات و رێگەیان لێدەگرێت كە ئەركەكانیان بە دروستی بەئەنجام بگەیەنن، بۆ نموونە: ناتوانن ماددە ژەهراوی و زیان بەخشەكان بكەنە دەرەوەی لەش، بەمەش جەستە رووبەڕووی مەترسی زۆر دەبێتەوە.

3. مێشك: زیاد لەپێویست بەكارهێنانی خوێ‌ كاریگەری خراپ لەسەر مێشك و كارو ئەركەكانی دەكات و  دەبێتە هۆی ئەوەی كار لە دەمارە هەستەوەرەكانی مێشك بكات، كە زیادەڕۆیی بكەن لە وەڵامدانەوە و كاردانەوەیان بەرامبەر حاڵەتەكان، وەك لەكاتی توشبوون بە قەلەقی، یان فشار، چونكە دەبنە هۆی دەردانی زیاد لە پێویستی هۆرمۆنەكان.

4. شێرپەنجەی گەدە: توێژینەوەكان ئەوە نیشان دەدەن كە زۆر بەكارهێنانی خوێ‌، یاخود خواردنی خۆراكە سوێرەكان، دەبێتە هۆكار بۆ زیادبوونی مەترسی توشبوون بە شێرپەنجەی گەدە.

5. لاوازبوونی ئێسكەكان: زیادبوونی خوێ‌ لە جەستەدا، دەبێتە هۆی زیاد بوونی مەترسی بۆ ئێسكەكانی جەستە و تەنك دەبنەوە و لاواز دەبن، توێژینەوەكان ئەوەیان پشتڕاستكردووه‌تەوە، كە كەمكردنەوەی بەكارهێنانی خوێ‌، دەبێتە هۆی هاوسەنگی كالسیۆم لە جەستەدا و بەمەش تەندروستی ئێسكەكان پارێزراو دەبن.

6. توشبوون بە ئاوسان: خواردنی زیاد لە پێویستی خوێ‌، دەبێتە هۆی كۆبوونەوەی ئاو لە جەستەدا، بەمەش هەندێك لە بەشەكان و ئەندامەكانی جەستە توشی ئاوسان دەبن و ناتەندروست دەبن، وە هەروەها زۆر خواردنی خوێ‌، كاردەكاتی سەر ریخۆڵەكان و توشی هەوكردن و ئازار و ئاوسانیان دەكات.


ئەمانە  بەگشتیی زیان و مەترسییە سەرەكییەكانی زۆر خواردنی خوێ‌ بوون، بۆیە پێویستە لە پێناو تەندروستی مێشك و جەستەدا، بڕیاری وازهێنان لە بەكارهێنانی خوێ‌ بدرێت و هەرگیز زیاد لە پێویست خوێ‌ بەكار نەهێنرێت، بڕی پێویستی رۆژانەیش بۆ كەسێكی پێگەیشتوو، نزیكەی یه‌ك كەوچكی (چا)یەو نابێت لەوە زیاتر بەكاربهێنرێت.

 

304 جار خوێندراوەتەوە
03/05/2019

بابەتی زیاتر