Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

فه‌رمانده‌یی ناوه‌ندی ئه‌مریكا: ئه‌مریكا نایه‌وێت جه‌نگ له‌گه‌ڵ ئێران به‌رپابكات


په‌یام

فه‌رمانده‌ی فه‌رمانده‌یی ناوه‌ندی ئه‌مریكا (CENTCOM)، جه‌نه‌راڵ كینیس ماكکێنزی جه‌ختی له‌سه‌ر ئه‌وه‌ كرده‌وه‌ كه‌ گه‌وره‌ترین هه‌ڕه‌شه‌ له‌ خۆرهه‌ڵاتی ناوه‌ڕاستدا ئێرانه‌ و رایگه‌یاند "به‌دوای جه‌نگێكدا نین له‌گه‌ڵ ئێراندا، به‌ڵام له‌ خۆرهه‌ڵاتی ناوه‌ڕاست و سه‌رتاسه‌ری جیهان هێزێكی گونجاو و ئاماده‌باشمان هه‌یه‌ دژبه‌ ئه‌گه‌ری هه‌ر ره‌وشێك كه‌ دێته‌ ئاراوه‌". 

فه‌رمانده‌ی فه‌رمانده‌یی ناوه‌ندی ئه‌مریكا (CENTCOM)، جه‌نه‌راڵ كینیس ماكکێنزی باسی له‌وه‌ كرد كه‌ ئه‌مریكا هه‌فته‌ی رابردوو كه‌شتی فڕۆكه‌هه‌ڵگری ئه‌براهام لینكۆڵن و چوار فڕۆكه‌ی بۆردومانی ره‌وانه‌ی خۆرهه‌ڵاتی ناوه‌ڕاست كردووه‌، به‌و ره‌وانه‌كردنه‌ش ئه‌مریكا هێزی خۆی ده‌رخستووه‌ كه‌ له‌ جه‌نگی جیهانییدا هێزه‌ ستراتیجییه‌كانی توانای ئه‌وه‌یان هه‌یه‌ به‌ شێوه‌یه‌كی سه‌ركه‌وتوو و له‌ ماوه‌یه‌كی كورتدا له‌ نێوان ناوچه‌كاندا جووڵه‌ بكه‌ن.

جه‌نه‌راڵ كینیس ماكکێنزی ئاماژەی بەوەشدا کە لەژێر رۆشنایی چەند زانیارییەکی ھەواڵگریی ئەم چەند رۆژەی دواییدا، کەشتی فڕۆکەھەڵگر و ھێزی ئەرکی بۆردومانکەریان رەوانەی ناوچەکە کردووە و گوتیشی: "به‌دوای جه‌نگێكدا نین له‌گه‌ڵ ئێراندا، به‌ڵام له‌ خۆرهه‌ڵاتی ناوه‌ڕاست و سه‌رتاسه‌ری جیهان هێزێكی گونجاو و ئاماده‌باشمان هه‌یه‌ دژبه‌ ئه‌گه‌ری هه‌ر ره‌وشێك كه‌ دێته‌ ئاراوه‌. لە چوارچێوەی یاسای نێودەوڵەتی لە ھەموو شوێنێک چالاکی خۆمان دەبێت".  

فه‌رمانده‌ی فه‌رمانده‌یی ناوه‌ندی ئه‌مریكا (CENTCOM)، جه‌نه‌راڵ كینیس ماكکێنزی راشیگەیاند کە گەورەترین ھەڕەشە بۆسەر سەقامگیری ناوچەکانی فەرماندەیی ناوەندی ئەمریکا بریتییە لە ئێران و لەمبارەیەوە گوتیشی: "ئەوان (ئێران) سووربوونێکی نیاز خراپیان ھەیە. ھەڵسوکەوتی خراپ، ھەڕەشەکردن بۆسەر ئێمە و ھاوپەیمانانمان لە ناوچەکەدا، چەندین ساڵە بریتین لە بنەمای سیاسەتە نەگۆڕاوەکانی رژێم (ئێران)".



365 جار خوێندراوەتەوە
09/05/2019

بابەتی زیاتر