Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

سودە تەندروستیەكانی خواردنی خورما و شیر پێكەوە

په‌یام

لە سەردەمانی پێشوودا، مرۆڤەكان خورما یان بە (نانی بیابان) ناوبردووە. لە ئێستاشدا پسپۆڕانی خۆراك دەڵێن تەنها خورما و شیر پێكەوە ئەو خۆراكەیە كە مرۆڤ  دەتوانێت بۆ ماوەیەكی زۆر پێی بژی، بەبێ‌ ڕوودانی كێشە و مەترسی تەندروستی بۆ مرۆڤ.

چونكە شیر و خورما پێكەوە سودێكی زۆریان هەیە لەڕووی تەندروستیەوە. بۆیەش بەیەكێك لە باشترین خۆراكەكان دادەنرێت بۆ كاتی بەربانگ و دوای شكاندنی ڕۆژوو دەتوانرێت سوود لە خواردنەوەی شیر و خورما پێكەوە وەربگیرێت .

لێرەدا بە كورتی باس لە هەندێك لەو سوودانە دەكەین:

1.     بۆ چارەسەركردن و ڕێگری كردن لە توشبوون بە كەمخوێنی بەسوودە.

2.     چارەسەری توشبون بە قەبزی دەكات.

3.     بۆ تەندروستی ئێسك گرنگە.

4.     بۆتەندروستی كۆئەندامی هەرس گرنگە و مەترسی توشبوون بە شێرپەنجە كەم دەكاتەوە، وەك شێرپەنجەی (كۆڵۆن، پەنكریاس، گەدە).

5.     بۆ تەندروستی مێشك و كۆئەندامی دەماری بەسوودە.

6.     بۆ تەندروستی دڵ بەسوودە بەگشتی، هەروەها پەستانی بەرزی خوێن دادەبەزێنێت.

7.     بۆ تەندروستی مێشك و یادگە بەسودە، بەتایبەت بۆ ئەوكەسانەی  كاری هزری ئەنجام دەدەن.

8.     سیستمی بەرگری لەش بەهێز دەكات و جگەر لە ژەهراوی بوون دەپارێزێت.

9.     بۆ تەندروستی چاوەكان بەسوودە و مەترسی توشبوون بە لەدەستدانی بینایی كەم دەكاتەوە.

10.   فشاری دەروونی كەمدەكاتەوە و ئارامی بە مرۆڤ دەبەخشێت.

11.   تەندروستی ددان دەپارێزێت.

12.   بۆ چارەسەركردنی تێكچوونی خەو و كەمخەوی بەسوودە. خواردنی 2-3 خورما لەگەڵ كوپێك شیری گەرم پێش كاتی نوستن یاریدەی مرۆڤ دەدات بۆ خەوێكی تەندروست.
 

ئەمانە هەندێك لە سوودەكانی خواردنی شیر و خورما بوون بەیەكەوە, بۆیە باشتر وایە لە ژەمەكاندا بەگشتی و لە كاتی بەربانگكردنەوەدا بەتایبەتی  سوود لە خواردنی ئەم خۆراكە گرنگە وەربگیرێت.


له‌ سایتی نه‌خۆشخانه‌ی به‌خشین وه‌رگیراوه‌..

719 جار خوێندراوەتەوە
01/06/2019

بابەتی زیاتر