داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
ژێرخان 10:10 شه‌و، ته‌نها رۆژانی شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 4:27
نیوه‌ڕۆ 11:54
عه‌سر 2:59
ئێواره‌ 5:48
خه‌وتنان 6:58

ئه‌مریكا: له‌ ناو هه‌ندێ هه‌مبه‌رگر DNA ی مشك و مرۆڤ بینراوه‌


له‌ لێكۆڵینه‌وه‌یه‌كدا كه‌ له‌باره‌ی ئاسایشی خۆراك له‌ ئه‌مریكا ئه‌نجام دراوه‌، ده‌ركه‌وتووه‌ كه‌وا له‌ هه‌ندێ به‌رهه‌مدا ساخته‌كاریی كراوه‌ و رێژه‌ی كالۆری تیایاندا به‌رزبووه‌.

له‌ لێكۆڵینه‌وه‌یه‌كدا كه‌ له‌ باره‌ی ئاسایشی خۆراك له‌ ئه‌مریكا ئه‌نجام دراوه‌، له‌ ناو هه‌ندێ هه‌مبه‌رگردا DNAی مشك و مرۆڤ بینراوه‌.

به‌مه‌به‌ستی ئه‌نجامدانی لێكۆڵینه‌وه‌، كۆمپانیایه‌ك به‌ناوی Clear Labs، لێكۆڵینه‌وه‌ی له‌سه‌ر گه‌ردیله‌ی گۆشتی 250 هه‌مبه‌رگر و گۆشتی به‌ستووی هه‌مبه‌رگر كرد كه‌ وه‌ك نموونه‌ له‌ فرۆشیاران و دووكانه‌كانی فاست فود له‌ ویلایه‌تی كالیفۆرنیای ئه‌مریكا كۆی كردبوونه‌وه‌.

له‌ ئه‌نجامی لێكۆڵینه‌وه‌ له‌ به‌رهه‌می 97 ماركه‌، ده‌ركه‌وت كه‌وا له‌ سیانیاندا DNAی مشك هه‌بووه‌ و، له‌ یه‌كێكیشیاندا DNAی مرۆڤ.

بانگه‌شه‌ی ئه‌وه‌ كرا گوایه‌ ئه‌و DNAیانه‌ی له‌ هه‌مبه‌رگره‌كاندا دۆزراونه‌ته‌وه‌ زیانی بۆ ته‌ندروستی مرۆڤ نییه‌.

هه‌رچه‌نده‌ سه‌رچاوه‌ی DNAیه‌كانی مشك و مرۆڤ دیاری نه‌كراوه‌ به‌ڵام باس له‌وه‌ كراوه‌ كه‌ ره‌نگه‌ DNAی مشك بگه‌ڕێته‌وه‌ بۆ پیسایی مشك و DNAی مرۆڤیش بگه‌ڕێته‌وه‌ بۆ تاڵه‌ قژی مرۆڤ خۆی.

هه‌روه‌ها ده‌ركه‌وت كه‌وا %14ی ئه‌و به‌رهه‌مانه‌ی لێكۆڵینه‌وه‌یان له‌سه‌ر كراوه‌ كێشه‌یان هه‌یه‌. نموونه‌كان ده‌ری ده‌خه‌ن كه‌ %14ی ئه‌و به‌رهه‌مانه‌دا گۆشتی ساخته‌ به‌كارهێنراوه‌، له‌بری گۆشتی سوور کە گۆشتی هه‌رزانتر وه‌ك گۆشتی مریشك و قه‌ل به‌كار هێنراوه‌. جگه‌ له‌وه‌ش له‌و به‌رهه‌مه‌ی ده‌گوترا له‌ گۆشتی گوێره‌كه‌ دروست كراوه‌، گۆشتی به‌راز هه‌بووه‌، له‌و به‌رهه‌مه‌شی ده‌گوترا له‌ گۆشتی به‌رخ دروست كراوه‌، گۆشتی گوێره‌كه‌ به‌دیكراوه‌.

 لێكۆڵینه‌وه‌ له‌سه‌ر به‌رهه‌مه‌ رووه‌كییه‌كانیش كراوه‌ و ده‌ركه‌وتووه‌ كه‌ %23.6ی ئه‌و به‌رهه‌مانه‌ كێشه‌یان هه‌یه‌، له‌ دووانیاندا گۆشت هه‌بووه‌، له‌ 14یاندا مادده‌ی كه‌م به‌كارهێنراوه‌، بۆ نموونه‌ له‌و هه‌مبه‌رگرەی ده‌گوترێت له‌ فاسۆلیای ره‌ش دروست كراوه‌، فاسۆلیای ره‌شی تیایدا نه‌بووه‌.

هاوكات باس له‌وه‌ش ده‌كرێت كه‌ له‌ 47 نموونه‌ی فاست فوود كه‌ لێكۆڵینه‌وه‌ی له‌سه‌ر كراوه‌، 38یان كالۆری زۆریان تێدا بووه‌.

2122 جار خوێندراوەتەوە
12/05/2016

بابەتی زیاتر